انا جيت .... د. رشا اقول لك الحكاية من الأول ... انا عندى تكيس فى المبايض وطبعا البريوت

مش منتظمة ... ولما عملت تحاليل بعد عام من الزواج كان هرمون LH عالى وباقى الهرمونات

فى المعدل ... المهم الدكتور كتب لى كلوميد واخدته وحصل حمل بس انا ما كنت عارفة .. بس

كان الجنين حجمه صغير عن شهور الحمل و ما كان لسه فيه نبض . وحصل اجهاض . وعملت

تنظيف .

و فى المرة التاليه كان فيه نبض بس بعد ظهور النبض بيومين حصل الإجهاض .. والطبيب قال

لى اننا مش ممكن نعرف سبب الإجهاض الا اذا حصل للمرة الثالثة هنا بيعملوا تحاليل للجنين

ويعرفوا ايه السبب اما الإجهاض مرة او اتنين فهذا شئ طبيعى ممكن يحصل .. المهم انا بصراحة

ما حبيت انتظر حمل تانى وعملت انابيب و بعدها بعام عملتها مرة تانية .. انا ما بستخدم اى وسائل

منع حمل ودة اللى قاله لى طبيبى فى مصر انى ما ألعب فى الهرمونات احسن . وانا برضع

نظيف .. فهمانى .


سؤالى بقى هل ممكن يحصل حمل بدون انابيب يعنى ممكن اجرب باى منشط عادى ... طبعا

حدوث الحمل دة شئ عمن عند الله مفيش فيها كلام دة امر مسلم به بس اللى اقصده يعنى على

حسب النظريات العلمية والأمور بتعتكوا دى .

f.testosteron 8,17 miU _ml f:(1.5_6.5
LH 22,7 folicullar (1.6_10.1
FSH 6,65 folicullar(3.3_11.3
هههه ... اول مرة اخد بالى من التستستيورن عالى هو كمان .... يلا فهمينى ايه الحكاية

والهرمون دو بتاع ايه ودة بتاع ايه ..... انا من معلوماتى الضئيلة عارفة ان اهم هرمون هو

fsh ....

ملحوظة ....تحليل الهرمونات عندى لما كنت اعمله ساعات الهرمونات كلها تكون فى المعدل

الطبيعى ودة اللى بيجننى .... وطبيبى ما كان راضى انى اعمل انابيب ... انا اللى اصريت مش

عارفة دة صح يعنى كان عنده حق ولا فرصة ان يحدث حمل طبيعى ويكمل كانت

ضعيفة .... بس خلصت ....اكيد طولت عليكى ....

على فكرة اعملى النص اللى انت كتباه فى اول الصفحة احسن فى المنتصف ... وبجد العنوان

جميل ومريح .... ان شاء الله الموضوع دة يكون فى ميزان حسناتك .

[center]
السلام عليكم ورحمة الله



شــــــــــــــــــــوق
ليديــــــــــــــــــا
دمـــــــــــــــــوع
تامــــــــــــــــــــا
نونــــــــــــــــــه
نورتوا الموضوع وشكرا على الدعوات وانا في الخدمه حبيباتي

ليديا: شوفي يا حبيبتي مرتين اجهاض مش نهاية الدنيا والاسباب ممكن تكون امور
عارضه ومادام حصل حمل مرتين وكمل يبقى مفيش مشاكل في الرحم ولا الهرمونات
بصراحة انا كمان شايفه انك اتسرعتي شوية في موضوع الانابيب ومرتين كمان
ليدو من التحاليل الامور كلها كويسه والهرمونات المهمه
TSH & LH
اما التوستيستيرون فده طبيعي بيكون عالي شويه مع تكيس المبايض
الموضوع كله ان المبيض عندك عاوز شوية تنشيط...
اه بالنسبة للرضاعه نظيف دي مش امنه يا ليدو التبويض بيحصل قبل
البيريود فممكن يحصل حمل...ماشي انا مع الدكتور في انه بلاش لعب في الهرمونات
لكن ممكن لولب او الواقي الذكري ودول ملهومش دعوة بالهرمونات الا لو كنتي
مستعده لحدوث حمل .....واي خدمه يا قمر ...

شوق : حبيبتي التيست ممكن عادي في اي وقت لكن بنفضل الصبح علشان بتكون
نسبة الهرمونات عاليه فتظهر النتيجه حتى لو لسه الحمل صغير جدا ..واي استفسار
يا جميل يارب اتابع حملك قريب..